(اسأل مجرب ) حاجات كنت اتمنى اعرفها قبل دخول الجامعة ( الجزء التاني )


تكملة للمدونة السابقة غالبا اليوتيوب هيبقى زي فقرة ثابتة كدا وكل مرة هضيف عليه حاجة جديدة بالاضافة لنقطة جديدة


 3- الفيس بوك اكبر مضيعة للوقت


 اول ما دخلت الكلية مكنتش بستعمل الفيس بوك ابدا بس بدأ يبقى في جروب للدفعة بينزل عليه كل جديد واتعرفت فيه على اسوأ حاجة ممكن الطلبة يعملوها خاصة في اول سنة وهي اننا بنحل الواجب اونلاين كل واحد بيرسم الرسمة مثلا ويصورها وينزلها على الجروب .. كمية ضياع الوقت غير طبيعية فكرة ان اصلا يبقى في واجب او ريبورت يتسلم ويتحل جماعي او يتنقل من اسوأ العادات اللي هتدفع بيها التمن ممكن وانت في الكلية او بعد ما تخلص لما بتحل المطلوب لواحدك وبتتعثر فيه وتسأل وتبقى عارف ايه اللي انت واقف فيه بالظبط وتسأل عليه بالطريقة دي عمرك ما هتنسى الحاجة اللي انت وقفت فيها وسألت عليها وبعدين فهمت الصح تاني مضيعة للوقت في الفيس بوك انك كدا كدا داخل الكلية منبهر الدنيا مفتوحة شويا مش زي الكبت بتاع الثانوية العامة كله فرحان انه دخل الكلية . واسوأ حاجة طلعت في الفيس بوك بجد موضوع الكوميكس والتريقة على التعلليم عامة والمواد والدكاتره والطلبة واللي احنا بنعمله في المحاضرات المشكلة اننا بنضحك فعلا وبنقضى وقت كويس واحنا بنضحك بس بنندم اخر السنة .. المشكلة ان من كتر ما الناس بتشير وبتضحك وانت كمان بتعمل كدا طبيعي محدش عمل كدا ان واحدة واحدة بيتهيألك ان موضوع ان انت مش فاهم حاجة ومش بتحل شيتات والفشل عامة بقى حاجة عادية وان عادي جدا جدا وان دي حاجة حلوة كمان . الناس اللي بتضحك وبتشير دي نوعين ملهمش تالت يا عادي بيهزر ويضحك ويهيص من الناس شويا وخلاص بس طبعا مركز في مذاكرته وعارف ان الكلام ده مش هيعمله هو بيضحك وبس وفي نوع من الناس دي وللأسف بنلاقيه كتير اللي بيعمل كدا ويبين انه مش بيذاكر وفاشل والجو ده وبعدين تلاقيه طالع الاول ( حصلت والله العظيم :D ) والنوع التاني هو اللي بيتأثر بجد وحتة اصلا انك تدخل وتقرا الكوميكس وتعملها شير وكومنتات انت واصحابك قول ساعتين تلاتة كدا ضايعين علىى الفيس وانت مش حاسس بأي حاجة . تتخيل ال3 ساعات دول لو جربت فعلا تبدأ تعمل فيهم حاجة مفيدة ونص ال3 ساعات دول يعني ساعة ونص بس تبص على اللي اخدته انهارده وتبيض محاضراتك مثلا لو بتبيضها او تشوف معلومة جديدة او تمارس هواية انت بتحبها بجد هتفرق معاك جدا وفي نفسيتك . نصيحة بجد من مجرب : لو انت كلية عملية وجروب الدفعة موجود وفعلا بيضفلك جديد وهيفوتك كتير لو مش عندك اكونت اعمل اكونت كدا لجروب الدفعة وبس ومتضفش عليه اي حد واعمل لايك لكل الصفحات المفيدة عامة وابدأ دور على الصفحات المفيدة في مجالك كدا هتركز جدااااااااا وهتبقى افضل بكتير . فعلا كنت بتمنى اني اعرف المعلومة دي بالذات قبل ما ادخل الكلية وادفع تمن تضييع الوقت ده كله :(

  تكملة لنقطة اليوتيوب 
https://www.youtube.com/channel/UCjHsPBHX1NNbIqTy4eXVTig
من الحاجات اللي هتفيدك اوي How it's made القناة دي بس والفيديوهات بجد بتنقلك لعالم تاني احساس ان الحاجات اللي حولينا العادية اللي تقريبا ممكن متكونش فكرت هي اتعملت ازاي انك تتفرج وتشوف العالم ماشي ازاي وازاي كل حاجة بتستخدمها بشكل يومي واساسي ازاي بتتصنع والمراحل الكتير واللي احيانا معقدة بتخلي افققك يتسع وبتبدأ تبقى شخص مثقف واحدة بواحدة انك بجد بتبقى عارف حاجة عن كل حاجة وبتكون معلومات وفكر . في ناس كتير اوي جالها افكار مشاريع كتير اوي من الفيديوهات دي لأنها فعلا بتوسعلك افقك جدا جدا انت كمان ممكن تعرف ميلولك لأيه اكتر لأنك وانت بتتفرج على حاجات مختلفة هتلاقي في حاجة معينة شدتك اوي اوي عن الباقي وهتوسعلك ثغرة كدا تبدأ تبحث فيها ومين عارف هتوصل لأيه :) . المهم انك كل يوم بتتقدم عن اليوم اللي قبله بجد  وبتحذف من يومك اي حاجة ممكن تضيع بيها وقتك وتسأل عنها يوم القيامة

بقلم . آية الرحمن <3

ـــــــــــــــــــــــــــــــــــــــــــــــــــــــــــــــــــــــــــــــ

صفحتي الشخصية على اليوتيوب :https://www.facebook.com/egyptiangirl2014

تعليقات

إرسال تعليق

المشاركات الشائعة من هذه المدونة

مذكرة فقه اليوم والليلة (مذكرة مكاني )

صورة
  من نعم الله علي أن تعرفت على مواد د.عبد الرحمن ذاكر الهاشمي في عام 2015 ومن يومها ونظرتي للحياة أصبحت حقيقية . أفضل وصف اشعر أنه فعلا حقيقي أن حياتي قبل أن اتعرف على مادة فقه النفس واجيب على سؤالي من أنا ؟ولم أنا ؟ كأني كنت أحلم أني أعيش وعندما استيقظت عرفت حينها أني كنت احلم. لم تكن عصى سحرية كل شئ تحول في لحظة ، لا ولكن كأن الغمامة التي كانت على عيني قد أزيلت وبدأت أرى الأشياء على ماهي عليه في الحقيقة، كانت بداية الرحلة والرحلة ما زالت مستمرة لن تنتهي.... تسألونني ماهي هذه الرحلة؟ رحلة العبودية و تزكية النفس  ميزان العصر:   وَالْعَصْرِ ۝ إِنَّ الْإِنْسَانَ لَفِي خُسْرٍ ۝ إِلَّا الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ  [العصر:1-3] يقول لنا خالقنا يا أيها الإنسان حياتك كلها خسر ((إلا)) الذين ءامنوا وصدق هذا الإيمان العمل وتواصوا بينهم بالحق والصبر. هذا كلام جميل ومهم لأن السلوك ينتج من الفكرة؛ فعالم الأفكار هو الذي يحدد ما هو سلوكك، فما نحن إلا مجموعة من الأفكار تحركنا، فمهما فعلت لكي ت...
قراءة المزيد

عن سحر الكتابة اكتب .... (خواطر)

صورة
اريد فقط ان اكتب واعبر عن ما بداخلي ولم اجد شئ محدد لأكتب عنه ولم اجد بداخلي الرغبة في اكمال ما قد بدأت كتابته ورغبة شديدة في الكتابة بالفصحى .. فها انا احاول ان اعبر عن ما اريد كتابته باكثر لغة محببة لقلبي ،،، لا أريد اليوم كتابة نصائح كما سبق وكتابة  اشياء جربتها واحب أن اشارككم بنتائجها ؛ ولكن أريد أن اكتب ما يدور بخاطري . كنت أفكر لماذا نجد عقبات في فعل ما نحبه ونرغب في فعله ؟ هل نحن من نضع لأنفسنا العقبات أم هي بالفعل موجودة ؟ لماذا نشعر وكأن الزمن توقف عند فترة ما في حياتنا ونشعر ان كل شئ ضدنا ؟ كنت أفكر في رغبتي الشديدة لعمل فيديوهات عن موضوع ما والكتابة عنه ،ولكني جدت صوت سلبي في داخلي يقول لي : لمن تكتبين وانتي ما زلتي في البداية ولا أحد يعلق على ما تكتبيه كما تجدين في المدونات اللي التي تتابعيها ... وهنا توقفت لأسأل نفسي : هل هؤلاء الذين نجحوا في بدايتهم كانوا ينتظرون التقدير من الآخرين لكي يستمروا في أعمالهم ؟ هل كل من اشتهر  بالكتابة أو بالرسم أو العزف عندما يقوم بعمل شئ هل يكون دافعه الاستمتاع فقط ام المال أم الاثنين معا ؟ وهل يمكن ان يتوافقا ؟ و...
قراءة المزيد