(اسأل مجرب ) حاجات كنت اتمنى اعرفها قبل الجامعة ( الجزء الثالث )




1- لازم تكون انت نفسك : طبعا يعني الجملة دي اتهرست في مليون فيلم قبل كدا وكمان اغاني وناس كتير بتقولها بس للأسف رغم انتشار الجملة وان الواحد يبقى نفسه وشخصية مستقلة الا اننا برده كأننا بنستنى ان يحصلنا موقف يوجعنا عشان نرجع لنفسنا ، المشكلة اننا في وقت ما بنبقى بني آدم تاني غير طبيعتنا اللي متعودين عليها بنبقى مش واخدين بالنا من غير ما نحس

اه من غير ما تحس بتلاقي نفسك داخل الكلية تلاقي شلة عجبتك ومنهم ناس اصحابك غالبا كانوا مجرد زمايلك في الدروس ايام ثانوي مش بتلاقي غيرهم تكلمهم تقوم داخل في وسطهم ممكن تبقى مبسوط بس بتحس بحاجة غريبة ان انت مش انت مش هو ده انت . بس للأسف ناس كتير غالبا اللي بيبقوا على طبيعتهم اوي وطيبين بنجرفوا ورا الشلة دي . المهم هنا بقى الوعي انك بجد توقف نفسك كدا وستوووب ... ايه اللي انا بعمله ده ؟؟ انا مقتنع بكل اللي بقوله واللي بعمله وبكل اللي بكلمهم ؟؟ طيب انا ليه مكمل معاهم ؟؟ وايه اللي هيحصلي لو سيبتهم وبقيت لوحدي ؟؟؟ اسئلة لازم تسألها لنفسك من رأيي الشخصي لما تصاحب اي حاجة عشان تعرف هوفعلا الصاحب اللي هيخليك تبقى احسن ولا اللي هيخليك اسوأ ولا اللي هيخليك محلك سر لا بتتقدم ولا بتتأخر ؟؟؟

النقطة دي بالذات من النقط الفارقة جدا جدا جدا في حياتك في الكلية لأنك اول ما تدخل الكلية هتقول ياااااه فاضلي لسه 5 سنين او 4 مثلا وبتبقى مش عارف هيعدوا ازاي والايام بتجري وتلاقي نفسك في سنة تانية وبعدين تلاقي نفسك اتخرجت ، في وسط زحمة الايام وضغط الدراسة خاصة لو انت في كلية عملية . وجود اصحاب محترمين معاك ليهم هدف وليهم رؤية مش عاوزين ياخدوا شهادة كدا وخلاص بيفوقك بجد بتخليك بدل ما تندمج اوي في زحمة الكلية والمحاضرات والسكاشن وبعدها تقعد ما اصحابك وتروح تفتح الفيس لحد بليل والايام تعدي ولاااااا في انجازات غير انك بتروح الكلية وتيجي ، فين الصاحب اللي توعوا بعض لا احنا لازم نذاكر واحنا فاهمين ايه ده ؟ تعالي نصلي .. تعالي نتعلم لغة مع بعض ، تعالى نقرا سوا . تعالى نعمل اي حاجة مفيدة ..

من اكتر النقط اللي كنت فعلا عرفاها قبل ما ادخل الكلية بس فعلا كنت اتمنى اني ابقى واعية بيها بالشكل ده ومركزة اوي في صدقاتي في الكلية ...

3- الدراسة حلوة على فكرة والتعليم مش فاشل ....



بصي يا ستي ، بص يا سيدي ... في مصر دلوقتي بقينا كلنا بنقول ان التعليم فاشل والمنظومة فاشلة وان اصلا هي بلد شهادات وخلاص وهتطلع تشتغل حاجة تانية غير اللي درستها ، وخاصة عندنا في هندسة في اسطورة منتشرة كدا ان اصلا اللي بتاخده ده حاجات ملهاش اي لازمة واللي هتطلع تشتغله حاجة تانية خاااااااالص . كل الكلام ده منقدرش اننا ننكره او نقول ان الواقع جميل والتعليم كويس في بلدنا هو طبعا في فساد وفي كل حاجة وحشة نتكلم عليها للصبح

بس خلونا نقف ونبص للموضوع من وجهة نظرمختلفة شويا . دلوقتي انا بدرس في كلية 5 سنين كل ترم 6 مواد غاليا كل مادة دكتور ،، تفتكر طول ال5 سنين مفيش ولا دكتور بيعلم تعليم كما ينبغي او مش لازم كما ينبغي يعني بيديك معلومة تفيدك ؟؟ لا في وفي كتير كمان وعلى حسب كل واحد واسلوبه . في فعلا دكاتره كويسة وبيدرسوا المادة العلمية كويس جدا وبيقولوا كل اللي عندهم

بس الفكرة هنا . انت دلوقتي عاوز ايه من الكلية ؟؟ معقول هتضيع ال4 او 5 سنين دول عشان ورقة مكتوب عليها انك خريج كذا ، طيب لو كدا كدا هتقضي ال4 سنين دول او ازيد ما تدور على هدف تاني تسعى له في السنين دي . ما تخلونا نحاول نفهم المواد ونحبها . واكيد على حسب طبيعة كل انسان بيميل لمادة عن التانية .

فكرة حلوة اوي طبقتها ونفعتني جدا وخلتني احب مادة كنت كرهها جدا ومش قادرة حتى ابص فيها نصحني بيها زميلي : كان جزء من انزعاجي من المادة دي اني مش عارفة لزمتها ايه ابدا وهي مادة فعلا صعبة وتقيلة ، طيب هعمل بيها ايه ولما اجي استفاد بيها في الحياة لعملية هقعد احل المسائل دي ؟ وبدات اسأل الاسئلة دي على كل المواد وعاوزة فعلا اعرف ، المهم لما تلاقي عندك الرغبة دي بدأت تتولد اللي هي الرغبة في المعرفة سدها على طول واوعى تأجل وهتلاقي نفسك حابب تتعمق ومعلومة صغيرة خدتك لمعلومة اكبر ...

فنصحني اني ادخل على جوجل عادي واكتب اي حاجة بسيطة عن المادة او اسم المادة بالعربي مش بالانجليزي عشان تطلع حاجات بسيطة وتعريفات بسيطة خالص مش تعمق في المادة . وفعلا لما عملت كدا اتبسط وبقيت لما اذاكر المادة وابدأ بأي مسألة احلها اربطها بالتطبيقات اللي قريتها عن المادة ده واتبسط اوي اني عرفت معلومات ناس زمايلي ممكن ميكونوش عارفينها ايه اقسام المادة وبعد كدا هناخد ايه وكل ده .. لدرجة اني حبيت الموضوع وبحثت في كل المواد من البداية حتى الرياضة دخلت على ويكبيديا وكتبت ( الرياضيات ) وعرفت تاريخ المادة ومين اللي عملها ويعني ايه وايه اللي ليه تطبيق وايه اللي مجرد حاجات نظري من ناس بس بتحب الرياضة ..

وبعدها افتكرت المقولة اللي دايما ببقى مش عارفة ايه ازاي تطبق ولا ازاي انسان يوصلها ( حب ما تعمل حتى تعمل ما تحب )

انت ممكن اللي بتكرهه دلوقتي لو فعلا اتقيت ربنا في دراستك واحسنتلها لعل وعسى يبقى سبب انك تبقى انسان محترم في المستقبل :)

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

صفحتي الشخصية على الفيس بوك :https://www.facebook.com/egyptiangirl2014/timeline

تعليقات

إرسال تعليق

المشاركات الشائعة من هذه المدونة

مذكرة فقه اليوم والليلة (مذكرة مكاني )

صورة
  من نعم الله علي أن تعرفت على مواد د.عبد الرحمن ذاكر الهاشمي في عام 2015 ومن يومها ونظرتي للحياة أصبحت حقيقية . أفضل وصف اشعر أنه فعلا حقيقي أن حياتي قبل أن اتعرف على مادة فقه النفس واجيب على سؤالي من أنا ؟ولم أنا ؟ كأني كنت أحلم أني أعيش وعندما استيقظت عرفت حينها أني كنت احلم. لم تكن عصى سحرية كل شئ تحول في لحظة ، لا ولكن كأن الغمامة التي كانت على عيني قد أزيلت وبدأت أرى الأشياء على ماهي عليه في الحقيقة، كانت بداية الرحلة والرحلة ما زالت مستمرة لن تنتهي.... تسألونني ماهي هذه الرحلة؟ رحلة العبودية و تزكية النفس  ميزان العصر:   وَالْعَصْرِ ۝ إِنَّ الْإِنْسَانَ لَفِي خُسْرٍ ۝ إِلَّا الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ  [العصر:1-3] يقول لنا خالقنا يا أيها الإنسان حياتك كلها خسر ((إلا)) الذين ءامنوا وصدق هذا الإيمان العمل وتواصوا بينهم بالحق والصبر. هذا كلام جميل ومهم لأن السلوك ينتج من الفكرة؛ فعالم الأفكار هو الذي يحدد ما هو سلوكك، فما نحن إلا مجموعة من الأفكار تحركنا، فمهما فعلت لكي ت...
قراءة المزيد

عن سحر الكتابة اكتب .... (خواطر)

صورة
اريد فقط ان اكتب واعبر عن ما بداخلي ولم اجد شئ محدد لأكتب عنه ولم اجد بداخلي الرغبة في اكمال ما قد بدأت كتابته ورغبة شديدة في الكتابة بالفصحى .. فها انا احاول ان اعبر عن ما اريد كتابته باكثر لغة محببة لقلبي ،،، لا أريد اليوم كتابة نصائح كما سبق وكتابة  اشياء جربتها واحب أن اشارككم بنتائجها ؛ ولكن أريد أن اكتب ما يدور بخاطري . كنت أفكر لماذا نجد عقبات في فعل ما نحبه ونرغب في فعله ؟ هل نحن من نضع لأنفسنا العقبات أم هي بالفعل موجودة ؟ لماذا نشعر وكأن الزمن توقف عند فترة ما في حياتنا ونشعر ان كل شئ ضدنا ؟ كنت أفكر في رغبتي الشديدة لعمل فيديوهات عن موضوع ما والكتابة عنه ،ولكني جدت صوت سلبي في داخلي يقول لي : لمن تكتبين وانتي ما زلتي في البداية ولا أحد يعلق على ما تكتبيه كما تجدين في المدونات اللي التي تتابعيها ... وهنا توقفت لأسأل نفسي : هل هؤلاء الذين نجحوا في بدايتهم كانوا ينتظرون التقدير من الآخرين لكي يستمروا في أعمالهم ؟ هل كل من اشتهر  بالكتابة أو بالرسم أو العزف عندما يقوم بعمل شئ هل يكون دافعه الاستمتاع فقط ام المال أم الاثنين معا ؟ وهل يمكن ان يتوافقا ؟ و...
قراءة المزيد