طريقة تربيتنا (( احنا اللي بنعيد الزمن))

  


السلام عليكم :) . دي اول تدوينة ليا , حبيت اني اشارك بيها في حاجة بقالي فترة كبيرة بلاحظها بكثرة

اغلبنا بنشتكي من الطريقة اللي اهلنا ممكن بيتعاملوا بيها معانا من دافع خوف علينا او عدم ثقة او اننا لسه صغيرة مثلا المهم انها في الاخر كلها من دافع الحب لينا . واللي مش بينتقض عنده مشكلة بيعاني منها يمكن لو كان اتربى عليها من صغره مكنش بقى في مشكلة دلوقتي ...

خلينا ناخد مثال ان واحد عدى العشرين او حتى دخل الجامعة ولقى انه مش عنده ميول لأي حاجة ومش عارف هيكمل في ايه شايف ناس بترسم بتلعب كورة مندمجة في الكلية وعاوزة تكمل فيها كمعيد ثم دكتور وهو تايه مش عارف هيكمل في ايه ولا هيعمل ايه ونفسه يلاقي شغفه كدا في حاجة . كان ممكن موقعش في المشكلة دي لو اهله مثلا على وعي معين ( وده طبعا عمره ما كان اتهام للأهل كل واحد بيطلع احسن ما عنده لأولاده احنا بس بنضرب مثال ) بمعنى ان لو كانوا لاحظوا انه بيرسم الى حد ما كويس فنموا الموهبة دي وشجعوها اوي ووقفوه معاه يمكن كان افضل دلوقتي .. مثال تاني مننا كتير اتضرب وهو صغير وممكن يكون اتألم كتير بسبب الموضوع ده وللأسف في ناس بتأثر فيها كتير اوي وبتقلب معاها بضعف شخصية او عدم ثقة بالنفس .

المهم ان كل ده عدى واهلنا بيحبونا وربونا بالطريقة اللي هما شايفنها هتطلعنا ناس كويسة زي ماهما بيتمنوا . السؤال هنا : هل انت لا اراديا هتلاقي نفسك بتعيد الكرة مع ولادك ؟؟؟ يعني انت اتربيت في بيئة كلها عصبية وزعيق فانت طلعت عصبي وبتتوتر بسرعة وبتتنرفز هل هتطلع كل ده في اولادك وتخليهم يطلعوا بنفس مشاكلك واكتر ؟؟ هل هتنمي قدرات ابنك وتحاول تكتشفها ولا هتنشغل بقى انك عاوز تجيبلهم فلوس ومش فاضي ؟؟ هتسيب ولادك للفيس والانترنت يعلمهم (( خلي بالك زمنك غير زمن ولادك الخطر بيزيد عليهم وافكار جديدة وغريبة ممكن توصله وهو قاعد جنبك )

لو الاجابة لا انا عمري ما هعمل كدا مع ولادي وهربيهم بطريقة احسن . ممكن اسألك سؤال ؟؟ ايه مؤهلاتك دلوقتي وانت حتى لسه مش خاطب حتى عشان تقدر تعمل اللي بتقول عليه يعني . تفتكر اللي انت بتقوله ده هيطبق بس بمجرد ما تتجوز وتخلف وتبقى في الموقف ؟؟؟ بمعنى ان تفتكرانك اتربيت في وسط اب وام عصيين جدا وانت طلعت عصبي جدا بس قولت انا عمري ما هعمل كدا مع ولادي ومش هزعق ابدا عشان ميطلعوش عصبيين زيي .. تفتكر بمجرد ما تتعصب في موقف ان ابنك يعصبك فجأة هتتحول لبني آدم هادي جدا ومتحكم في اعصابه ومش هتزعقلهم :D

اللي عاوزه اوصله من كل ده ان اللحظة اللي المفروض نقرر فيها احنا هنربي ولادنا ازاي ونبدأ نستعد لكدا هي نفس اللحظة اللي بنقول فيها لنفسنا انا عمري ما هعمل في ابني او بنتي كذا (( طبعا كذا ده اللي اهلك بيعملوه معاك دلوقتي )) كل حاجة سلبية اتربينا عليها مش بس تربية الاب والام لا في تربية المدرسة والبيئة اللي حولينا بعد ما بنكبر وبنوعى شويا بنرفض شويا حاجات اتفرضت حولينا رغم رفضنا ليها الا انها اثرت علينا نفسيا وفي تكوين شخصيتنا . قبل ما نقرر نكون اسرة وعيلة لازم نكون قدرنا نكون الشخص اللي بجد يقدر يبنى العيلة اللي هو ( انت ) ازاي كل واحد يعالج نفسه من كل حاجة اثرت عليه سلبيا من طريقة نشأته مش تربيته عشان تبقى اشمل . ازاي كل واحد يتخلص من العصبية مثلا . تضييع الوقت .. عدم التركيز في حاجة معينة وامثلة كتير لحاجات كتير اثرت علينا سلبيا واحنا عايشين معاها عادي ولسه يننقد كل شئ حولينا ...

حلو النقد وحلوة الثورة على النفس والعادات والتقاليد اللي اتربينا عليها اللي اثرت سلبا بس المهم وما بعد ذلك ......

آية الرحمن  >3

ــــــــــــــــــــــــــــــــــــــــــــــــــــــــــــــــــــــــــــــ

صفحتي الشخصية على الفيس بوك :https://www.facebook.com/egyptiangirl2014/timeline

تعليقات

إرسال تعليق

المشاركات الشائعة من هذه المدونة

مذكرة فقه اليوم والليلة (مذكرة مكاني )

صورة
  من نعم الله علي أن تعرفت على مواد د.عبد الرحمن ذاكر الهاشمي في عام 2015 ومن يومها ونظرتي للحياة أصبحت حقيقية . أفضل وصف اشعر أنه فعلا حقيقي أن حياتي قبل أن اتعرف على مادة فقه النفس واجيب على سؤالي من أنا ؟ولم أنا ؟ كأني كنت أحلم أني أعيش وعندما استيقظت عرفت حينها أني كنت احلم. لم تكن عصى سحرية كل شئ تحول في لحظة ، لا ولكن كأن الغمامة التي كانت على عيني قد أزيلت وبدأت أرى الأشياء على ماهي عليه في الحقيقة، كانت بداية الرحلة والرحلة ما زالت مستمرة لن تنتهي.... تسألونني ماهي هذه الرحلة؟ رحلة العبودية و تزكية النفس  ميزان العصر:   وَالْعَصْرِ ۝ إِنَّ الْإِنْسَانَ لَفِي خُسْرٍ ۝ إِلَّا الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ  [العصر:1-3] يقول لنا خالقنا يا أيها الإنسان حياتك كلها خسر ((إلا)) الذين ءامنوا وصدق هذا الإيمان العمل وتواصوا بينهم بالحق والصبر. هذا كلام جميل ومهم لأن السلوك ينتج من الفكرة؛ فعالم الأفكار هو الذي يحدد ما هو سلوكك، فما نحن إلا مجموعة من الأفكار تحركنا، فمهما فعلت لكي ت...
قراءة المزيد

عن سحر الكتابة اكتب .... (خواطر)

صورة
اريد فقط ان اكتب واعبر عن ما بداخلي ولم اجد شئ محدد لأكتب عنه ولم اجد بداخلي الرغبة في اكمال ما قد بدأت كتابته ورغبة شديدة في الكتابة بالفصحى .. فها انا احاول ان اعبر عن ما اريد كتابته باكثر لغة محببة لقلبي ،،، لا أريد اليوم كتابة نصائح كما سبق وكتابة  اشياء جربتها واحب أن اشارككم بنتائجها ؛ ولكن أريد أن اكتب ما يدور بخاطري . كنت أفكر لماذا نجد عقبات في فعل ما نحبه ونرغب في فعله ؟ هل نحن من نضع لأنفسنا العقبات أم هي بالفعل موجودة ؟ لماذا نشعر وكأن الزمن توقف عند فترة ما في حياتنا ونشعر ان كل شئ ضدنا ؟ كنت أفكر في رغبتي الشديدة لعمل فيديوهات عن موضوع ما والكتابة عنه ،ولكني جدت صوت سلبي في داخلي يقول لي : لمن تكتبين وانتي ما زلتي في البداية ولا أحد يعلق على ما تكتبيه كما تجدين في المدونات اللي التي تتابعيها ... وهنا توقفت لأسأل نفسي : هل هؤلاء الذين نجحوا في بدايتهم كانوا ينتظرون التقدير من الآخرين لكي يستمروا في أعمالهم ؟ هل كل من اشتهر  بالكتابة أو بالرسم أو العزف عندما يقوم بعمل شئ هل يكون دافعه الاستمتاع فقط ام المال أم الاثنين معا ؟ وهل يمكن ان يتوافقا ؟ و...
قراءة المزيد