لو متعبتش دلوقتي هتتعب امتى !!






بدأت افكر من فترة كبيرة في حياتي عامة ازاي اني اوصل لمرحلة اني ارتاح كدا وابقى حسه بأمان الى حد ما يعني حياة مستقرة وهادية وسعيدة ، وبالصدفة جات الظروف اني اتقابل مع مستثمر معروف , رغم ان المقابلة دي كانت من اصعب المواقف واكثرها اضطرابا على الاطلاق في حياتي وكمان كانت النتيجة مش ايجابية اوي ، لكن بعد ما المقابلة انتهت شوفت في الشخصية دي اللي انا بتمنى اوصله لما ابقى في سنه ، اكيد مفيش حد حياته مثالية لكن انك توصل لمرحلة انك تحقق حلمك وتساعد ناس كتير يحققوا حلمهم دي حاجة كبيرة اوي بجد . المهم ان الشخصية دي فعلا اثرت فيا وكان في مجلة معايا عاملين لقاء مع نفس الشخصية برده ..
قريت المقالة مرة قبل مقابلة الشخص ده ورجعت قريبتها تاني بعد المقابلة واثرت فيا جدا لأني ربط كل كلمة في المقالة بيقولها الشخص ده عن نفسه بكل حاجة كان بيقولها اثناء المقابلة وشوفت سيرته كدا ومشواره وبجد مكنتش حاجة سهلة ابدا كل اللي مر بيه في حياته لحد ما انجزه . 

وسألت نفسي .. هو انا لو متعبتش دلوقتي وتعبت اوي اوي اوي هتعب امتى ؟؟ وبصيت حوليا لاقيت ناس كتير في عمر الشخصية دي يعني كبروا خلاص بس متبهدلين اوي في الدنيا وسنهم فوق 50 و60 لكن متبهدلين بهدلة مهينة شويا بالنسبة للسن خاصة ان الانسان لما بيكبر بيبقى عاوز يعيش مرتاح البال مش لسه عاوز يجري ويسعي زي ما كان شاب . وقارنت بين الاتنين وهما في نفس السن وفكرت لما كانوا في سني كانوا عايشين ازاي ؟؟ 

ولاقيت ان اللي متبهدل دلوقتي وهو في سني كان متدلع وعايش حياته مكنش تعبان ولا متهان يمكن كانوا اهلوا بيصرفوا عليه او يمكن كان ااشتغل اول شغلانة جات في طريقه في الحكومة مثلا . وساعتها كان عايش حياته بالطول والعرض بعيدا عن علاقته بربنا من صلاة وصوم وحال مع الله.. طيب الشخصية التانية اللي مرتاحة دلوقتي وبقى تأثيرها اكبر في المجتمع حوليها اكيد لما كان في سني مكنش مرتاح ولا في وقت كبير انه دايما بيخرج ويتفسح ، اكيد كان عنده هدف ويخرج من هدف لهدف اعلى منه لحد ما وصل للمرحلة اللي شوفته عليها واللي اتمنيت اني اوصلها فعلا . اكيد كان كل فلوسه رايحه في الكتب وتطوير نفسه ويمكن تعب عشان يصرف على نفسه اكيد ملقاش الفلوس على طبق من دهب يصرف منها .. اكيد عشان يبقى على الشخصية المؤثرة المعروفة دي دلوقتي ماشاء الله تعب كتير في حياته وغلط كتير غلطات خلته يتعلم منها ويبقى شخصية محترمة بمعنى الكلمة .

دلوقتي كل ما بتعب شويا بفتكر اني لو ارتحت دلوقتي ههين نفسي لما اكبر ، لأن الدنيا مفيهاش راحة لأننا في الدنيا مش في الجنة ، كل ما تتعب دلوقتي وتغلط وتتعلم هتبقى شخصية تفتخر بيها قدام ولادك وقدام نفسك وقبل كل شئ شخصية ربنا راضي عنها ...

اتعب انهارده عشان ترتاح بكره ....

ـــــــــــــــــــــــــــــــــــــــــــــــــــــــــــــــــــــــــــــــــــــــ

صفحتي الشخصية على الفيس بوك :

https://www.facebook.com/egyptiangirl2014/timeline

تعليقات

إرسال تعليق

المشاركات الشائعة من هذه المدونة

مذكرة فقه اليوم والليلة (مذكرة مكاني )

صورة
  من نعم الله علي أن تعرفت على مواد د.عبد الرحمن ذاكر الهاشمي في عام 2015 ومن يومها ونظرتي للحياة أصبحت حقيقية . أفضل وصف اشعر أنه فعلا حقيقي أن حياتي قبل أن اتعرف على مادة فقه النفس واجيب على سؤالي من أنا ؟ولم أنا ؟ كأني كنت أحلم أني أعيش وعندما استيقظت عرفت حينها أني كنت احلم. لم تكن عصى سحرية كل شئ تحول في لحظة ، لا ولكن كأن الغمامة التي كانت على عيني قد أزيلت وبدأت أرى الأشياء على ماهي عليه في الحقيقة، كانت بداية الرحلة والرحلة ما زالت مستمرة لن تنتهي.... تسألونني ماهي هذه الرحلة؟ رحلة العبودية و تزكية النفس  ميزان العصر:   وَالْعَصْرِ ۝ إِنَّ الْإِنْسَانَ لَفِي خُسْرٍ ۝ إِلَّا الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ  [العصر:1-3] يقول لنا خالقنا يا أيها الإنسان حياتك كلها خسر ((إلا)) الذين ءامنوا وصدق هذا الإيمان العمل وتواصوا بينهم بالحق والصبر. هذا كلام جميل ومهم لأن السلوك ينتج من الفكرة؛ فعالم الأفكار هو الذي يحدد ما هو سلوكك، فما نحن إلا مجموعة من الأفكار تحركنا، فمهما فعلت لكي ت...
قراءة المزيد

عن سحر الكتابة اكتب .... (خواطر)

صورة
اريد فقط ان اكتب واعبر عن ما بداخلي ولم اجد شئ محدد لأكتب عنه ولم اجد بداخلي الرغبة في اكمال ما قد بدأت كتابته ورغبة شديدة في الكتابة بالفصحى .. فها انا احاول ان اعبر عن ما اريد كتابته باكثر لغة محببة لقلبي ،،، لا أريد اليوم كتابة نصائح كما سبق وكتابة  اشياء جربتها واحب أن اشارككم بنتائجها ؛ ولكن أريد أن اكتب ما يدور بخاطري . كنت أفكر لماذا نجد عقبات في فعل ما نحبه ونرغب في فعله ؟ هل نحن من نضع لأنفسنا العقبات أم هي بالفعل موجودة ؟ لماذا نشعر وكأن الزمن توقف عند فترة ما في حياتنا ونشعر ان كل شئ ضدنا ؟ كنت أفكر في رغبتي الشديدة لعمل فيديوهات عن موضوع ما والكتابة عنه ،ولكني جدت صوت سلبي في داخلي يقول لي : لمن تكتبين وانتي ما زلتي في البداية ولا أحد يعلق على ما تكتبيه كما تجدين في المدونات اللي التي تتابعيها ... وهنا توقفت لأسأل نفسي : هل هؤلاء الذين نجحوا في بدايتهم كانوا ينتظرون التقدير من الآخرين لكي يستمروا في أعمالهم ؟ هل كل من اشتهر  بالكتابة أو بالرسم أو العزف عندما يقوم بعمل شئ هل يكون دافعه الاستمتاع فقط ام المال أم الاثنين معا ؟ وهل يمكن ان يتوافقا ؟ و...
قراءة المزيد