(اسأل مجرب) حاجات كنت اتمنى اعرفها قبل دخولي الجامعة ( الجزء الرابع )
6- مهما كان عدد سنين الكلية فهي بتعدي بسرعة جدا اسرع مما تتخيل:
يمكن سمعنا الكلام ده كتير ودايما لما بتبقى مخنوق من فترة معينة بيقلولك مفيش اسرع من الايام ، هي فعلا الايام سريعة اوي وبتعدي بسرعة لكن المهم بتعدي علينا وهي عاملة ازاي؟؟ بنقضى ايام وخلاص وعاوزين نخلص من فترة الكلية وبس كدا ... اللي عاوزة اقوله ان انت/ي لو محتوش من اول يوم انك ممكن تلاقي نفسك في سنة تالتة وسنة رابعة ومعندكش اي مهارات تأهلك لسوق العمل ده احساس صعب جدا ولو بدأت من وقتها انك تلحق نفسك فده شئ جميل لكن تعالوا نتصور لو لحقنا نفسنا من البداية بأننا نبدأ نشوف الدنيا ماشية ازاي بعد التخرج ايه الوظايف المناسبة لتخصصي وخليك/ي صريح/ة هل اصلا انك تشتغل في نفس مجال تخصصك ده شئ يناسبك ؟ ... السؤال ده محدش يعرف يجاوبه غيرك انت .. على فكرة اهلنا بيفتخروا بينا لما بنبقى ناجحين بجد وبيشوفوا ده قدامهم ان بنتهم او ابنهم بقى ليه قيمة زي ما بيقولوا ( ده بس عشان محدش يقول اصل اهلي غاصبين عليا ادخل الكلية دي او راسمين لي الطريق ده امشي فيه ) طريقنا احنا اللي بنحدده بنفسنا لأن احنا اللي هنكمل ،،، دلوقتي بقى انت عاوز تشتغل ايه وشايف نفسك ازاي بعد ما تتخرج ....
7- التقدير مش كل حاجة في الدنيا :
انا بقول لنفسي النقطة دي كل شويا قبل ما اكتبهالكم عشان انا كمان بقع في النقطة دي . مش معنى كلامي ان اه مش لازم تجيب تقدير المهم تعدي وخلاص واصلا في ناس دحيحة ومش بيبقوا فاهمين والكلام اللي احنا حافظينه كلنا ، طيب في ناس بتعمل كذا كذا احنا مالنا المهم انا ، ليه تحرم نفسك من احساس النجاح وانك جايب تقدير وليه تحرم نفسك من احساس الفهم بجد للي بتدرسه ، على فكرة الإحساس ده جميل اوي لما بتذاكر حاجة وتتعب فيها وتجيب تقدير وتكون فاهمها تقدر تشوفها حواليك الموضوع مش سهل هو متعب اوي اوي بس يستاهل التعب .
اللي اقصده هنا اكتر ان متقضيش سنين الكلية عاوز تنجح وتجيب تقدير ده هدف كويس اوي وكويس انك بتفكر في مستقبلك ومهتم بدراستك بس المهم وبعدين ..... بعد ما تطلع من الامتحان وتجيب الدرجة النهائية يا سيدي هل انت لسه فاكر اللي كتبته ؟ عارف هو ايه اصلا في الحياة اللي حواليك ؟؟ عارف ايه لازمته وبتاخده ليه ؟؟ الاسئلة دي غالبا مش هتلاقي حد يجاوبك عليها وحتى لو لاقيت هتلاقي حد بيجاوبك سؤال واحد منهم انما الباقي علينا احنا ندور ونعرف ونزود شغفنا بدراستنا ، احساس انك مش فاهم ده عامل زي ما تكون بتشوف الدنيا من ورا سور في حاجز كدا ..
خلينا نحط كذا سيناريو بيحصل للخريجين :
1- بيكمل ويبقى معيد ومن ثم دكتور : طيب احنا كتير بنقابل المعيد اللي مش بيقدر يوصل المعلومة وبنحس انه حافظ مش فاهم وبنقول عليه كدا ، طيب انت عاوز تبقى زيه ؟ ليه ميبقاش فاهم اوي وعارف توصل المعلومة للطلبة بتوعك وتتعلم كمان اساليب تجذب اللي قدامك للشرح ، لو همك التقدير ممكن تنجح انك تبقى معيد بس مش هتنجح ان الطلبة يفضلوا فاكرينك وبيدعولك انك عملتهم حاجة وكمان ممكن لو معجبكش سلك التدريس هتضطر انك تشتغل بتخصصك وساعتها مش هتعرف تطبق اللي انت حافظه !!
2- هتشتغل في تخصصك نفس اللي فات انك مش هتبقى عارف تطبق اللي انت جبت فيه تقدير وقعدت تذاكر فيه طول سنين الكلية ، لو كان همك التقدير وبس مش هتقدر تنجح في دي خالص من غير ما تبدأ من الصفر بعد ما تتخرج ... وهتتعب اوي على ما تتعلم وتتمرن وبعدين تلاقي شغلانة بجد يبقى ليك فيها وضع ..
3- هتتخرج وتشتغل في مجال غير مجال دراستك في الكلية ، طبعا في الحالة دي هتبدأ من الصفر في المجال اللي انت بتشتغل فيه بس ممكن في حاجات هتلاقي مجال دراستك بيفيدك وبيضيفلك معلومات وخبرات جديدة وبيفتحلك ثغرات في شغلك مكنتش هتبقى واخد بالك منها وده اللي بيميز شخص عن التاني ..
4- دي بقى في حالة البنات بتتجوز وتقعد في البيت :D : انا مش شايفة انها حاجة وحشة ان البنت تبقى مش عاوزة تشتغل وعاوزة تتجوز وتخلف وتربي اولادها وكدا بالعكس دي مهمة سامية بجد لو عملتها صح ..... انتي ممكن تنجحي انك تتخرجي وتتجوزي بس لو كان همك التقدير بس او للأسف في اغلب الاحيان تعدي وخلاص ساعة لما ولادك يحتاجوكي في حاجة تشرحهلهم والمفروض انك تفهمي فيها اوي عشان دي ليها علاقة بتخصصك هتبقي مدايقة من نفسك اوي انك مش قادرة تفديهم ... وكمان مش لازم عشان انتي قاعدة في البيت يبقى معندكيش اي خلفية في الحياة غير الطبيخ والولاد والبيت وخلاص ،،، الفكرة في الفهم لما نذاكر انه بيفتح مخنا لحاجات كتير بيخلينا فعلا متفتحين عندنا معلومات عامة نقدر نناقش بيها اي انسان نقعد معاه ، على سبيل المثال في ستات كتير بيفضل عندها شغف بمجال دراستها وتفضل تكمل قراءة فيه حتى وهي قاعدة في البيت مش بتشتغل زي علم النفس مثلا والفلسفة واكيد الست دي بتختلف تماما عن اللي خلصت واتجوزت وقفلت الباب لحد شهادة التخرج ...
ــــــــــــــــــــــــــــــــــــــــــــــــــــــــــــــــــــــــــــــــــــــــ
صفحتي الشخصية على الفيس بوك :
https://www.facebook.com/egyptiangirl2014
يمكن سمعنا الكلام ده كتير ودايما لما بتبقى مخنوق من فترة معينة بيقلولك مفيش اسرع من الايام ، هي فعلا الايام سريعة اوي وبتعدي بسرعة لكن المهم بتعدي علينا وهي عاملة ازاي؟؟ بنقضى ايام وخلاص وعاوزين نخلص من فترة الكلية وبس كدا ... اللي عاوزة اقوله ان انت/ي لو محتوش من اول يوم انك ممكن تلاقي نفسك في سنة تالتة وسنة رابعة ومعندكش اي مهارات تأهلك لسوق العمل ده احساس صعب جدا ولو بدأت من وقتها انك تلحق نفسك فده شئ جميل لكن تعالوا نتصور لو لحقنا نفسنا من البداية بأننا نبدأ نشوف الدنيا ماشية ازاي بعد التخرج ايه الوظايف المناسبة لتخصصي وخليك/ي صريح/ة هل اصلا انك تشتغل في نفس مجال تخصصك ده شئ يناسبك ؟ ... السؤال ده محدش يعرف يجاوبه غيرك انت .. على فكرة اهلنا بيفتخروا بينا لما بنبقى ناجحين بجد وبيشوفوا ده قدامهم ان بنتهم او ابنهم بقى ليه قيمة زي ما بيقولوا ( ده بس عشان محدش يقول اصل اهلي غاصبين عليا ادخل الكلية دي او راسمين لي الطريق ده امشي فيه ) طريقنا احنا اللي بنحدده بنفسنا لأن احنا اللي هنكمل ،،، دلوقتي بقى انت عاوز تشتغل ايه وشايف نفسك ازاي بعد ما تتخرج ....
7- التقدير مش كل حاجة في الدنيا :
انا بقول لنفسي النقطة دي كل شويا قبل ما اكتبهالكم عشان انا كمان بقع في النقطة دي . مش معنى كلامي ان اه مش لازم تجيب تقدير المهم تعدي وخلاص واصلا في ناس دحيحة ومش بيبقوا فاهمين والكلام اللي احنا حافظينه كلنا ، طيب في ناس بتعمل كذا كذا احنا مالنا المهم انا ، ليه تحرم نفسك من احساس النجاح وانك جايب تقدير وليه تحرم نفسك من احساس الفهم بجد للي بتدرسه ، على فكرة الإحساس ده جميل اوي لما بتذاكر حاجة وتتعب فيها وتجيب تقدير وتكون فاهمها تقدر تشوفها حواليك الموضوع مش سهل هو متعب اوي اوي بس يستاهل التعب .
اللي اقصده هنا اكتر ان متقضيش سنين الكلية عاوز تنجح وتجيب تقدير ده هدف كويس اوي وكويس انك بتفكر في مستقبلك ومهتم بدراستك بس المهم وبعدين ..... بعد ما تطلع من الامتحان وتجيب الدرجة النهائية يا سيدي هل انت لسه فاكر اللي كتبته ؟ عارف هو ايه اصلا في الحياة اللي حواليك ؟؟ عارف ايه لازمته وبتاخده ليه ؟؟ الاسئلة دي غالبا مش هتلاقي حد يجاوبك عليها وحتى لو لاقيت هتلاقي حد بيجاوبك سؤال واحد منهم انما الباقي علينا احنا ندور ونعرف ونزود شغفنا بدراستنا ، احساس انك مش فاهم ده عامل زي ما تكون بتشوف الدنيا من ورا سور في حاجز كدا ..
خلينا نحط كذا سيناريو بيحصل للخريجين :
1- بيكمل ويبقى معيد ومن ثم دكتور : طيب احنا كتير بنقابل المعيد اللي مش بيقدر يوصل المعلومة وبنحس انه حافظ مش فاهم وبنقول عليه كدا ، طيب انت عاوز تبقى زيه ؟ ليه ميبقاش فاهم اوي وعارف توصل المعلومة للطلبة بتوعك وتتعلم كمان اساليب تجذب اللي قدامك للشرح ، لو همك التقدير ممكن تنجح انك تبقى معيد بس مش هتنجح ان الطلبة يفضلوا فاكرينك وبيدعولك انك عملتهم حاجة وكمان ممكن لو معجبكش سلك التدريس هتضطر انك تشتغل بتخصصك وساعتها مش هتعرف تطبق اللي انت حافظه !!
2- هتشتغل في تخصصك نفس اللي فات انك مش هتبقى عارف تطبق اللي انت جبت فيه تقدير وقعدت تذاكر فيه طول سنين الكلية ، لو كان همك التقدير وبس مش هتقدر تنجح في دي خالص من غير ما تبدأ من الصفر بعد ما تتخرج ... وهتتعب اوي على ما تتعلم وتتمرن وبعدين تلاقي شغلانة بجد يبقى ليك فيها وضع ..
3- هتتخرج وتشتغل في مجال غير مجال دراستك في الكلية ، طبعا في الحالة دي هتبدأ من الصفر في المجال اللي انت بتشتغل فيه بس ممكن في حاجات هتلاقي مجال دراستك بيفيدك وبيضيفلك معلومات وخبرات جديدة وبيفتحلك ثغرات في شغلك مكنتش هتبقى واخد بالك منها وده اللي بيميز شخص عن التاني ..
4- دي بقى في حالة البنات بتتجوز وتقعد في البيت :D : انا مش شايفة انها حاجة وحشة ان البنت تبقى مش عاوزة تشتغل وعاوزة تتجوز وتخلف وتربي اولادها وكدا بالعكس دي مهمة سامية بجد لو عملتها صح ..... انتي ممكن تنجحي انك تتخرجي وتتجوزي بس لو كان همك التقدير بس او للأسف في اغلب الاحيان تعدي وخلاص ساعة لما ولادك يحتاجوكي في حاجة تشرحهلهم والمفروض انك تفهمي فيها اوي عشان دي ليها علاقة بتخصصك هتبقي مدايقة من نفسك اوي انك مش قادرة تفديهم ... وكمان مش لازم عشان انتي قاعدة في البيت يبقى معندكيش اي خلفية في الحياة غير الطبيخ والولاد والبيت وخلاص ،،، الفكرة في الفهم لما نذاكر انه بيفتح مخنا لحاجات كتير بيخلينا فعلا متفتحين عندنا معلومات عامة نقدر نناقش بيها اي انسان نقعد معاه ، على سبيل المثال في ستات كتير بيفضل عندها شغف بمجال دراستها وتفضل تكمل قراءة فيه حتى وهي قاعدة في البيت مش بتشتغل زي علم النفس مثلا والفلسفة واكيد الست دي بتختلف تماما عن اللي خلصت واتجوزت وقفلت الباب لحد شهادة التخرج ...
ــــــــــــــــــــــــــــــــــــــــــــــــــــــــــــــــــــــــــــــــــــــــ
صفحتي الشخصية على الفيس بوك :
https://www.facebook.com/egyptiangirl2014
تعليقات
إرسال تعليق