خواطرامتحانات : اسئلة ملهاش اجابة

السلام عليكم

وبما ان الفترة دي فترة امتحانات واي طالب جامعي  اصيل بيجيي في ايام الامتحانات ويحلى له التأمل ويقعد يسأل نفسه اسئله غريبة يفكر في الماضي او المستقبل على حسب طبيعة كل بني آدم بس المهم مش بيفكر في الواقع عشان اكتر حاجة هو مش عاوز يفتكرها.

فقولك اطلع اللي جوايا عشان اعرف اذاكر وربنا يسترها معايا في الامتحانات ، دي اسئلة مش لقيلها اجابة مش اسئلة معقدة ولكنها اسئلة مش لقيلها اجابة وتزيدني حيرة


ليه بنفتي كتير ؟
ليه دايما بيبقى في حسد وكره
ليه بنبص لبعض كتير كل واحد بيبص للي عند التاني رغم ان ممكن يبقى هو احسن منه
ليه دايما في مصر تلاقي واحد جاي يقولك بيقولك فلان الفلاني كذا هو مين اللي قال ؟؟
ليه التعليم في مصر بيدمر نفسية الطالب قبل كل شئ
ليه الدكاتره في هندسة اغلبهم دماغهم لاسعة
ليه الطلبة بتوع هندسة بقى هما كمان دماغهم بتلسع زي الدكاتره
ليه دايما الدكتور البائس اللي بيقولك هو ننظام فاشل وفاسد هو اكتر واحد فاسد
ليه اخدت اعدادي هندسة ودرست حاجات انا مش مهتمة بيها مادام كنت ممكن ادخل من اول سنة التخصص على طول
ليه بنقعد ندرس في مواد نظرية من غير عملي !!
ليه مبجيبش تقدير ؟
ليه يومي بيضيع ومش بعمل كل اللي كنت عاوزه انجره
ليه انسان بيبقى عارف ان السجاير مضره ويفضل يقرف اللي حواليه ويشربها
ازاي الناس اللي ريحتها وحشة مش بتشم نفسها
ليه في ناس بتحب تتكلم عن الناس كتير ومش عاجبها حد
ليه احنا كمصريين اغلبنا معندهوش نظام
ليه بنعافر لما نكبر اننا نعلم نفسنا ننظم وقتنا وحياتنا ليه مش بنبقى كدا من واحنا صغيرين
ليه اغلب الاهالي ميقبلوش ان ابنهم او بنتهم تشتغل وهما صغيرين ويقبلوا ان يدوهم مصروف في اديهم وهما 25 و26 سنة
ليه دايما بنتخانق سواا
هل لما بنتخانق وبنختلف بيبقى في واحد بس هو للي غلطان ولا الاتنين
ليه الست مش بتفهم الراجل والراجل مش بيفهم الست
ليه لما حد بيعرف حاجة مش بيعرفها للناس اللي حواليها
ليه لما نعلط ونتعلم من اخطائنا بنحتفظ بالمعلومات لنفسنا ؟
ليه ساعات بنشوف اللي حوالينا بيغلطوا نفس غلطتنا وبنسيبهم ومش نوعيهم
ليه احنا كمجتمع شايفين ان جواز البنت هي حبل النجاة بالنسبة لها ومقياس للسعادة والنجاح
ليه بنذاكر واحنا مش مستمعين
ليه بقى الانسان المستهتر اللي بيدخل يغش في الامتحانات وينجح هو الذكي المحبوب واللي بيذاكر وبيتقي ليه ومش بيغش هو الغبي المقفول المنظوي
ليه دايما منبهرين بالغرب وبنقلد حاجة وحشة عندهم وسايبين الحلو
ليه اغلب المصريين مرتبطين بالتلفزيون بشكل غير طبيعي وبيابعوا الاخبار بس مش بتأثر عليهم بحاجة
ليه لما بنحب حد بنتعصب ليه جدااااااااااااااا واحنا مشوفناش منه حاجة اصلا ولا حلوة ولا وحشة
ليه خسرنا بعض في السياسة واحنا اصلا منعرفش يعني ايه سياسة
ليه بقى في حزازيات ما بينا
ليه في ناس بيعلوا التلفزيون وهما بيتفرجوا رغم ان هما لو وطوا هيسمعوا برده -_-
ليه في افتتاح المحلات بيشغلوا دي جي يسمع اخر الشارع
ليه اللي بيسمع اغاني اجنبي يبقى روش ومفيش زيه ومثقف كمان ايه علاقة الاغاني بالثقافة
ليه بقى اي واحد عاوز يعيش في دور العميق يقرا الفيل الازرق
ليه لما بنحب حاجة او شخص بنبقى مش متخيلين ان في حد مش بيحبه مع ان الناس فيما يعشقون مذاهب
ليه احنا في هندسة بنمتحن الميد تيرم اللي هو يعني نص التيرم لحد اخر الترم
ليه المعيد غالبا بيبقى عامل زي مدرس الابتدائي
ليه الدكاتره بتطلع عقدها على الطلبة
ليه بنام في اغلب المحاضرات
ليه دايما ضغطي واطي
ليه دايما عندي هبوط في السكر رغم اني باكل كويس
ليه الاجتماعي بيبقى الشخص الكويس المحبوب والانظوائي بيبقى الغبي المكروه رغم ان كل واحد عنده نقطة قوة
ليه احنا كمصريينن بالذات بنتولد ونتعلم ونتجوز ونخلف ومقوفناش مرة مع نفسنا وقولنا احنا مين ولا فهمنا نفسنا
ليه الراجل بيخون مراته
ليه لما الراجل بيخون مراته بيبقى عادي ولما الست بتخون جوزها بتبقى مجرمة مع في الحالتين خيانة
ليه المنتجات المصرية وحشة رغم ان نفس الماركة لكن مستورة بتبقى عالية جدا
ليه وليه وليه ................................................

وتكثر الاسئلة كلما وجدت اجابة لسؤال ما في ذهني وكأننا خلقنا لكي نبحث عن اجابات.

آية الرحمن : 2/1/2015

ـــــــــــــــــــــــــــــــــــــــــــــــ

رابط صفحتي على الفيس بوك : https://www.facebook.com/egyptiangirl2014

تعليقات

إرسال تعليق

المشاركات الشائعة من هذه المدونة

مذكرة فقه اليوم والليلة (مذكرة مكاني )

صورة
  من نعم الله علي أن تعرفت على مواد د.عبد الرحمن ذاكر الهاشمي في عام 2015 ومن يومها ونظرتي للحياة أصبحت حقيقية . أفضل وصف اشعر أنه فعلا حقيقي أن حياتي قبل أن اتعرف على مادة فقه النفس واجيب على سؤالي من أنا ؟ولم أنا ؟ كأني كنت أحلم أني أعيش وعندما استيقظت عرفت حينها أني كنت احلم. لم تكن عصى سحرية كل شئ تحول في لحظة ، لا ولكن كأن الغمامة التي كانت على عيني قد أزيلت وبدأت أرى الأشياء على ماهي عليه في الحقيقة، كانت بداية الرحلة والرحلة ما زالت مستمرة لن تنتهي.... تسألونني ماهي هذه الرحلة؟ رحلة العبودية و تزكية النفس  ميزان العصر:   وَالْعَصْرِ ۝ إِنَّ الْإِنْسَانَ لَفِي خُسْرٍ ۝ إِلَّا الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ  [العصر:1-3] يقول لنا خالقنا يا أيها الإنسان حياتك كلها خسر ((إلا)) الذين ءامنوا وصدق هذا الإيمان العمل وتواصوا بينهم بالحق والصبر. هذا كلام جميل ومهم لأن السلوك ينتج من الفكرة؛ فعالم الأفكار هو الذي يحدد ما هو سلوكك، فما نحن إلا مجموعة من الأفكار تحركنا، فمهما فعلت لكي ت...
قراءة المزيد

عن سحر الكتابة اكتب .... (خواطر)

صورة
اريد فقط ان اكتب واعبر عن ما بداخلي ولم اجد شئ محدد لأكتب عنه ولم اجد بداخلي الرغبة في اكمال ما قد بدأت كتابته ورغبة شديدة في الكتابة بالفصحى .. فها انا احاول ان اعبر عن ما اريد كتابته باكثر لغة محببة لقلبي ،،، لا أريد اليوم كتابة نصائح كما سبق وكتابة  اشياء جربتها واحب أن اشارككم بنتائجها ؛ ولكن أريد أن اكتب ما يدور بخاطري . كنت أفكر لماذا نجد عقبات في فعل ما نحبه ونرغب في فعله ؟ هل نحن من نضع لأنفسنا العقبات أم هي بالفعل موجودة ؟ لماذا نشعر وكأن الزمن توقف عند فترة ما في حياتنا ونشعر ان كل شئ ضدنا ؟ كنت أفكر في رغبتي الشديدة لعمل فيديوهات عن موضوع ما والكتابة عنه ،ولكني جدت صوت سلبي في داخلي يقول لي : لمن تكتبين وانتي ما زلتي في البداية ولا أحد يعلق على ما تكتبيه كما تجدين في المدونات اللي التي تتابعيها ... وهنا توقفت لأسأل نفسي : هل هؤلاء الذين نجحوا في بدايتهم كانوا ينتظرون التقدير من الآخرين لكي يستمروا في أعمالهم ؟ هل كل من اشتهر  بالكتابة أو بالرسم أو العزف عندما يقوم بعمل شئ هل يكون دافعه الاستمتاع فقط ام المال أم الاثنين معا ؟ وهل يمكن ان يتوافقا ؟ و...
قراءة المزيد