مدونة آية الرحمن

السلام عليكم :) وحشتني الكتابة اوي وجاتلي خاطرة قولت لازم اكتبها ... نفسي اقول لكل بنت وست ان احلى لون صبغة مناسب ليها هو اللون اللي ربنا خلقه بيها احلى لون مناسب للونك ولشكلك ولشخصيتك وكل حاجة . عمرنا ما شوفنا انسان لون شعره اللي ربنا خلقه بيه مش لايق على لونه او شكله اكتر لون عدسات هتليق عليكي هو لون عنيكي اللي ربنا خلقك بيه . انتي جميلة من غير صبغة وكيراتين وبروتين ولسه حاجات تانية كتير هيخترعوها . مفيش ست حلوة وست وحشة اصل الجمال ده شئ نسبي وعمر ما في حاجة بيتفق عليها كل الناس ، متلونيش شعرك عشان تعجبي انسان وتغيري في شكلك وللأسف بيبقى للأوحش . اقتنعي بنفسك وحبي نفسك زي ما انتي . اهتمي بنفسك عشان نفسك مش عشان حد تاني . في واحدة من youtuber (اللي هما بيعملوا فيديوهات على اليوتيوب يعني ) مشهورة جدا جدا لما بيقولوا مين مثلك الاعلى قالت (Personally , I love beth , she's my role model ) بيث ده اسمها على فكرة ، هي شايفة انها مثلها الاعلى ، غالبا الناس اللي بتبقى كدا هي اللي بتبقى مثل اعلى للناس عشان بيبقى ليهم خطواتهم الثابتة بتاعتهم هما بس مش ماشيين على خطوات ...